ஹோலோகாஸ்ட் மறுப்பாளர்களுக்கு பதில் சொல்லி புரியவைப்பது என்பது நாய் வாலை நிமிர்த்துவதற்குச் சமம். எந்த விதமான சான்றுகள் கொடுத்தாலும், ஆணித்தரமான வாதங்கள் வைத்தாலும், சித்தாந்தப் பித்துத் தலைக்கேறி தெளியாத கேசுகள் போல் வாதத்தையும் சான்றுகளையும் ஏற்க மறுப்பார்கள்.
ஹோலகாஸ்ட் என்பது இவ்வளவு கொடூரமான முறையில் நடந்ததா ? என்றால் ஆம், அது அப்படித்தான் நடந்தது, அவர்கள் எவ்வாறு சொல்கிறார்களோ அப்படியே நடந்தது என்பது மறுக்க முடியாத உண்மை.
ஆறு மில்லியன் உயிர்கள் பலி வாங்கிய ஒரு முட்டாள், சோசியலிச பித்துப் பிடித்த சர்வாதிகாரி, கொண்ட கொளகையாம் நாஜிக் கொள்கை, அவன் இறந்த பிறகு புதிய பரிணாமத்தில் neo-nazism என்று சொல்லப்பட்டு சில ஐரோப்பா நாடுகளிலும் பெரும்பான்மை இஸ்லாமிய நாடுகளிலும் படு தீவிரப் பிரச்சாரம் செய்யப் பட்டு கடைபிடிக்கப் படுகின்றது. ஐரோப்பிய கூட்டு நாடுகளில் சட்டப்படி தடை செய்யப் பட்டது இந்த புதிய நாஜிக் கொள்கையும் (neo-nazism) மற்றும் அதன் வளர்ப்பு மகனான ஹோலோகாஸ்ட் மறுப்பும்.
இப்போதுள்ள ஹோலோகாஸ்ட் மறுப்பாளர்கள், யாரெல்லாம் ஹோலோகாஸ்ட் மறுப்புக் கொள்கையை கேள்வி கேட்கிறார்களோ அவர்களையெல்லாம் அமேரிக்க, இஸ்ரேலிய கூலிப் படை, அறிவிலிகள், அறிவியல் கண்ணோட்டத்தில் நோக்கத் தெரியாத, சான்றுகளை சரியான முறையில் பகுத்தறியத் தெரியாத/விரும்பாதவர்கள் என்று குற்றம் சாட்டுகின்றனர்.
இந்தக் குற்றச்சாட்டும் ஞாயமற்ற வெத்து வேட்டு வாதம்.
ஹோலோகாஸ்ட் நடந்ததற்கான சான்றுகள் கண்ணால் கண்ட சாட்சிகள், நாஜிக்களின் பல அரசு ஆணைகள், ஹிட்லரின் கட்டளைகள், வீடியோக்கள், புகைப்படங்கள் என்று நிரூபிக்கப் பட்டுவிட்ட உண்மை. அதில் எவ்வளவு உண்மை என்பதைத்தான் கேட்கிறோம் என்றால் அது அத்தனையும் உண்மை. அதில் பொய் இல்லை.
இதில் எவ்வளவு உண்மை என்பதைப் பகுத்தறிந்து பார்த்து உண்மையை பதிவு செய்து, யாத் வெ ஷெம் என்ற மியூசியத்தில் வைத்திருக்கிறார்கள். உலகெங்கும் ஆங்காங்கே ஹோலோகாஸ்ட் மெமோரியல் என்று நினைவுச் சின்னத்தையும் வைத்திருக்கிறார்கள். ஹோலோகாஸ்ட் மாயை என்றால் அந்த "உண்மைகளை" தொகுத்து வழங்கவேண்டிய கடமை அவர்களுக்கு உண்டு. சும்மா, தர்கவாதம் மூலம் ஞாயப் படுத்திவிடலாம் என்று எண்ணுவது குள்ள நரித்தனம்.
ஹோலோகாஸ்ட் மறுப்பு/மறுபரிசீலணையைத் தமிழ் வலைப்பதிவில் பார்க்கையில், டெபோரா லிப்ஸ்டாட் (deborah lipstadt) என்பவர் சொன்னது தான் நினைவுக்கு வந்தது,
We need not waste time or effort answering the deniers' contentions. It would be never-ending to respond to arguments posed by those who freely falsify findings, quote out of context and simply dismiss reams of testimony. Unlike true scholars, they have little, if any, respect for data or evidence. Their commitment is to an ideology and their 'findings' are shaped to support it
இந்த ஹோலோகாஸ்ட் மறுப்பாளர்கள் பற்றிய விக்கி சுட்டி
ஹோலோகாஸ்ட் மறுப்பு என்பது என் பார்வையில் குப்பைத் தொட்டியில் இருக்கவேண்டிய கண்ணோட்டம், வலைப்பதிவில் எழுதி அழகு பார்க்க வேண்டியது அல்ல.