September 19, 2007

கருணாநிதியும் சேதுராமனும்

தமிழக முதல்வர் மு. கருணாநிதி அருளிய பொன் மொழிகளில் ஒன்று, ராமன் என்று யாரும் இருந்ததற்கான சரித்திரப்பூர்வமான சான்று இல்லை என்பது. 
தமிழகத்திற்கு இது தேவையில்லாத ஆராய்ச்சி.

தமிழகம் செய்யவேண்டியது, ராமர் வாழ்ந்தாரா இல்லையா என்ற ஆராய்ச்சி அல்ல. சேது சமுத்திர திட்டம் தக்க பலனை அளிக்குமா இல்லையா என்பதே.
சேது சமுத்திரத் திட்டம், ரூ 87 கோடி ஆண்டுவருமானமாக ஈட்டும் திட்டம்.
2006 ஆம் ஆண்டு மட்டுமே இந்திய அரசு ஹஜ் மானியமாக ரூ 180 கோடி வழங்கியுள்ளது.
இதில் உள்ள "மதச்சார்பின்மையை" ஒதுக்கிவிட்டுப் பார்த்தாலும், சேதுத் திட்டம் செயல் படுத்துவதால் எத்தகய இலாபத்தை இந்திய அரசு எதிர்பார்க்கிறது என்பது தெளிவுபட வேண்டும்.
படத்தில் இருப்பது சோழர் காலத்து நாணயம். அதில் எழுதியுள்ளது, "சேது" என்று தமிழில்.
சேதுவைப் பற்றியும் அதனைச்சார்ந்த கதையான கம்ப இராமாயணமும் தமிழர்களின் கலாச்சாரத்தைக் காட்டுகிறது.
இராமன் எந்த இஞ்சினியரிங் கல்லூரியில் படித்தான் என்று கேட்டு சிரிப்பது, பகுத்தறிவாளர்களின் காட்டுமிராண்டித்தனத்தைக் காட்டுகிறது.

இதே கருணாநிதி அவர்கள், The DaVinci code திரைப்படத்தையும் புத்தகத்தையும் தடைசெய்த போது இவர்களின் பகுத்தறிவு எங்கே போனது என்று யாருக்கும் தெரியாது. 

August 26, 2007

போலி மதச்சார்பின்மை = குண்டுவெடிப்புகள்

குண்டுவெடிப்புகள் போன்ற வெறிச்செயல் செய்யும் ஒரு கூட்டத்துக்கு முதுகு சொறிந்துவிடும் வோட்டு வங்கி அரசியல் நடப்பதால் தான் குண்டுவெடிப்புகள் அதிகரிக்கின்றன.

CNN-IBN தொகுத்த சில குண்டு வெடிப்புச் சம்பவங்கள்.

கடந்த சில ஆண்டுகாலத்தில் நடந்த குண்டுவெடிப்புகள் இவை :
  1. ஆகஸ்ட் 2007, ஹைதராபாத் குண்டு வெடிப்பு
  2. மே 2007, மக்கா மசூதி குண்டு வெடிப்பு, அதே ஹைதராபாதில்.
  3. செப்டம்பர் 2006, மெலகாவ் மசூதியில் குண்டுவெடிப்பு.
  4. ஜூலை 2006, மும்பையில் தொடர் குண்டுவெடிப்பு.
  5. மார்ச் 2006, வாரணாசியில் தொடர் குண்டுவெடிப்பு.
  6.  அக்டோபர் 2005, தில்லியில் தொடர் குண்டுவெடிப்பு தீபாவளிக்கு முந்தய நாள் இரவு நிகழ்த்தப்பட்டது.
  7. ஆகஸ்ட் 2003, மும்பையில் டாக்சியில் குண்டுவைத்து வெடிக்கச் செய்தனர்.
  8.  மார்ச் 1993, மும்பையில் டைகர் மேமன், தாவூத் கூட்டாளிகளால் நிகழ்த்தப்பட்ட தொடர் குண்டுவெடிப்பு.
காட்கோபர் மும்பையில் 2003ல் நடந்த குண்டுவெடிப்பைத் தவிர, அனைத்துச் செயல்களுமே காங்கிரஸ் மாநிலத்திலும் மத்தியிலு ஆட்சியில் இருக்கும் போது தான் நிகழ்த்தப்பட்டுள்ளது. 
காங்கிரஸ் மற்றும் போலி மதச்சார்பின்மைவாதிகளால் தான் இஸுலாமிய அடிப்படைவாதிகளின் குண்டுவெடிப்புகள் அதிகரிக்கின்றன என்பதற்கு இதைவிட வேறு சான்றுகள் தேவையில்லை.

June 17, 2007

இடஒதுக்கீட்டு அடிப்படை 101

இடஒதுக்கீட்டுக்கு ஆதரவாக முக்கிய பத்திரிக்கைகள், செய்தித் தொலைக்காட்சிகள் பிரச்சாரம் செய்துவருவதனால் எனக்கு ஏற்பட்ட ஒவ்வாமையை தீர்த்துக் கொள்கிறேன்.
சோசியலிச சித்தாந்தவாதிகள், முக்கியமாக இன்றைய இந்திய ஊடகங்கள் தமிழ், மற்றும் ஆங்கிலம் இரண்டிலும் எடிட்டோரியல்கள் எழுதும் "அறிவாளிச் சமூகச் சிந்தனையாளர்கள்" முக்கியமாம அடிக்கடி எழுப்பும் கேள்வி:


பொருளாதார தாராளமயமாக்கலினால் ஏற்படும் பொருளாதார மாற்றங்கள் ஏழை மக்களைச் சென்றடைகிறதா இல்லையா ?





இதில் அவர்களது தீவிர நம்பிக்கை இப்படிப்பட்ட தாராளமயமாக்கல் கொள்கையின் பலன்கள் ஏழை மக்களை(அவர்களது குழப்ப பாசையில் விழிம்பு நிலை மக்கள்) சென்றடைவதில்லை.

ஆனால் இதே கேள்வியை இடஒதுக்கீட்டில் அவர்கள் கேட்பது இல்லை. ஏன் ?

அப்படி ஒரு நம்பிக்கை அவர்களிடம். இட ஒதுக்கீடு, "விழிம்பு நிலையில்" வாழும் மக்களை சென்றடைந்து கொண்டுதான் இருக்கிறது என்று.

கார்டூன் நன்றி : மைக் டேடர்

Barbarindians